Аялалын зөвлөмж

• Гадаад паспортын хүчинтэй хугацаа нь 6 сараас дээш байх

• Аяллын даатгалын бичиг баримт

• Хүчин төгөлдөр гадаад паспорт, виз, онгоцны тийз, аяллын даатгалын бичиг баримт, ОУ-ын төлбөрийн карт. Евро авч явахдаа 50, 100 дэвсгэртийн евро авна — том дэвсгэртийн евро тохиромжгүй.

• Аялах газрынхаа цаг агаарын байдлыг судлаад тохирсон хувцас авч явах. Ямарч тохиолдолд хөлд эвтэйхэн гуталтай явах. Зуны улиралд нарны малгай, шил, нарнаас хамгаалах тос зайлшгүй.

• Цаг агаарын урьдчилсан мэдээг weather.com-ээр шалгах боломжтой.

• Хувийн аяны эмийн сан — өвчин намдаах, даралт, чихрийн шижин, халуун бууруулах, хордлого тайлах болон өөрийн чухал эм.

• Жижиг савлагаатай аяны бүтээгдэхүүн — оо, сойз, шампунь, бие угаагч, таавчих. Зочид буудлаас эдгээрийг байхгүй байх магадлалтай (ихэнхдээ байдаг).

• Гар утасны цэнэглэгч, зөөврийн цэнэглэгч (powerbank), цахилгаан олон үйлдэлтэй шилжүүлэгч залгуур. Европт 2 бөөрөнхий оролттой Type C, E залгуур хэрэглэнэ.

• ЕХ-ны хилээр нэвтрэхдээ 10,000 болон түүнээс дээш евро авч явж байгаа бол "EU Cash Declaration Form" маягтаар гаалийн мэдүүлэгт бичгээр мэдүүлэх шаардлагатай.

• Нислэгт суухаас өмнө паспорт, виз, тарилгын бичиг зэрэг баримт бичгийн бүрэн эсэхийг шалгах.

• Нислэг эхлэхээс 2 цагийн өмнө нисэх буудалд ирсэн байх.

• Бэлэн мөнгө, үнэт эдлэл, чухал бичиг баримт, зөөврийн компьютер, дижитал камер зэрэг зүйлсийг гар тээшиндээ авч явах.

• Зөвхөн өөрийн эд зүйлсийг тээвэрлэх. Таньдаг болон таньж мэдэхгүй хүний ачаа, барааг зөөвөрлөх нь таныг эрсдэлд оруулна.

Аялагч нислэг болон галт тэрэгний тийзийг хатуу нөхцөлтэй авсан тохиолдолд солих, шилжүүлэх, хугацааг өөрчлөх, цуцлах зэрэг нөхцөл үүсвэл гарах зардлыг өөрөө хариуцна.

• Өрөөнөөс утасны дуудлага хийх, мини бар болон хөргөгч дэх ("complementary" гэснээс бусад) хүнсний зүйлүүд нэмэлт төлбөртэй — буудлаас гарахад аялагч өөрөө тооцоогоо хийнэ.

• Аяллагчийн буруугаас болж гарсан хохирол — зочид буудал, рестораны эд зүйл эвдэх, түлхүүр/хаалганы карт үрэгдүүлэх, цагаан хэрэглэл урах, гэмтээх зэрэг зөрчлийг аялагч өөрөө хариуцна.

• Хувийн үнэт эдлэлийг алдахаас сэргийлж буудлын сейфэнд хадгалах эсвэл буудалд тогтоосон журмыг мөрдөх.

• Зочид буудлын өрөөнд тамхи татахыг хориглодог ба торгуультай — энэ дүрмийг заавал дагах.

• Зочид буудлын өрөөнд олуулаа бөөгнөрөх, дуу чимээ ихээр гаргах, бусдын амгалан тайван байдлыг алдагдуулахгүй байх.

• Бага насны хүүхдэд байнга хяналт тавих, ганцааранг нь орхихгүй байх, салж төөрөхгүйд анхаарах.

• Аяллын хөтөлбөр, маршрутыг дагах. Товлосон газарт цагтаа цуглах, хоцрохгүй бусдыг удаан хүлээлгэхгүй байх.

• Үнэ бүхий эд зүйлийг биедээ байнга авч явах — машинд үлдээхгүй, орхихгүй байх.

• Худалдаж авсан бараа бүтээгдэхүүний баримтыг хадгалах — нисэх онгоцны буудлаас НӨАТ буцаан олголт авах боломжтой. Улс орон бүрт авах дүн өөр өөр байдаг.

• Аяллын хөтөч болон байрлаж буй зочид буудалтай холбогдох утас, хаяг, машины дугаарыг тэмдэглэж заавал биедээ авч явах. Төөрсөн тохиолдолд таксинд буудлын картыг үзүүлж хүргүүлэх боломжтой.

• Зам хөндлөн гарахдаа заавал гэрлэн дохио, явган хүний гарцаар гарна.

• Дата эрх бүхий eSIM Монголоос авах боломжтой — зөвхөн eSIM дэмждэг гар утсанд ажиллана. Үндсэн дата дууссаны дараа бага хурдны хязгааргүй дата ажиллана.